2022 жыл "Балалар жылы" аясында Шет аудандық балалар кітапханасында ағымдағы жылдың 24-28 қаңтар аралығында "Бақытты балалар-бейбіт елдің тірегі" атты апталық жоспарланып, "Кел, балалар, оқылық!" деген тақырыпта ертегілердің желісі бойынша театрландырылған қойылыммен апталықтың ашылуы өтті. Балалармен кездесуге келген ертегі кейіпкерлері кішкентай оқырмандарды ғажайып кітаптармен таныстырды, түрлі ойындар ойнатылды. Бүгінгі іс-шараға белсене атсалысып, өнерлерін ортаға салуға ауданымыздың С.Мұхамеджанов атындағы өнер мектебінің оқушылары ән шашуларын ала келді. Апталықтың ашылуы балаларға жаңа білім, сонымен қатар жақсы көңіл-күй сыйлады.
