23 – сәуір Бүкіләлемдік кітап және авторлық құқық күніне орай аудандық орталық кітапханада «Кітап шоу 2023» өтті. Аталған шараға аудандық балалар кітапханасы балдырғандардың ой-өрісін кеңейту, кітап оқуға қызықтыру мақсатында «Таңғажайып кітаптар әлемі» атты жаңа форматтағы көрме – инсталляцияны оқырмандар назарына ұсынды.
Сиқырлы және таңғажайып оқиғалар әлемін бейнелейтін әлемге танымал ұлы ертегішілердің туындыларымен, өздеріне бала кездерінен таныс «Алдар Көсе хикаялары», «Қар Ханшайымы», «Қызыл телпек», «Алтын балық», «Алтын шашты қыз», «Кішкентай маймыл» және т.б. ертегілер, ойыншықтармен безендірілген кітаптар оқырмандардың ерекше назарын аударды. Сонымен қатар «Кітап әлем-ғажап әлем» тақырыбында викториналық ойындар ойнатылып, тәтті сыйлықтарын алды.
