20 желтоқсан кітапханашылар жылжымалы кітапхана аясында кітапханамызға келіп түскен дыбыстық кітап, ашылмалы кітап, түрлі пішіндегі кітап, құрастырмалы кітаптарды алып Нұрдәулет балабақшасына барды. Кітапханашыларды ерекше ілтипатпен «Құлыншақ» тобының бүлдіршіндері қуана қарсы алды. Бүлдіршіндерге кітаптарымыз кең көлемде таныстырылып, «Көңілді көжек», «Кішкентай маймыл» ертегілері оқылып, бүлдіршіндерге кітаптарды қалай ұстау керектігі, ұқыпты пайдалану жайлы түсіндірілді. Бүлдіршіндер бізбен қимай қоштасты. Ата-аналарымен кітапханаға келіп кітап оқуға шақырдық.
