Балалар кітапханасы жұмысындағы заманауи әдіс-тәсілдердің тиімділігі
Ағымдағы жылдың 26 қазанында 2022 жыл «Балалар жылы» аясында Шет аудандық балалар кітапханасының ұйымдастыруымен «Балалар кітапханасы жұмысындағы заманауи әдіс- тәсілдердің тиімділігі» тақырыбында аудандық семинар өтті. Семинарда балалар кітапханасы жұмысындағы жаңа тәсілдер, жаңа ақпараттық технологияларды, оның ішінде мобильді қосымшаларды енгізу ерекшеліктері және кәсіби тәжірибе алмасу талқылау барысындағы негізгі мәселелер болды. Семинарға ауыл, кент кітапханашылары келіп, қатысты. Шет аудандық ОКЖ директоры Нурпеисова Мейрамгүл Сансызбайқызы құттықтау сөз сөйлеп, семинарды ашты. Аталмыш семинар барысында Шет аудандық балалар кітапханасының әдіскері А.А.Бакирова балалар кітапханасының жұмысын дамыту, цифрлық технологиялар туралы айтып өтті.
Аудандық балалар кітапханасының оқу залының кітапханашысы А.М.Қойшыбаева «Саятшылық – өмірдің бір қызығы» деген тақырыпта ауданымыздың тұрғыны, құсбегі Серік Әбдіразақов және бауырлары Мұрат Ақан, Мұрат Нұраймен құсбегі отбасымен кездесті. Кездесуге құсбегі отбасы «Сарыарқа» атты бүркіт және «Қаратұйғын» деген итімен қонаққа келді. Кездесу барысында кітапханашылар саятшылық туралы маңызды ақпараттар алды.
Жарық кенттік кітапханасының кітапханашысы А.Иксанова «Қазыналы Қазақстан» атты жаңа библио –бокс іс-шарасын кітапханашылар арасында өткізді.
Төменгі Қайрақты ауылдық кітапханасының кітапханашысы Н.Кенжешова «Креативті кітапханашы. Жаңа форматтағы платформалар» атты таныстырылым өткізді. Таныстырылымды лепбук түрінде көрсетті.
Аудандық балалар кітапханасының абонемент бөлімінің кітапханашысы Ж.Сезімханқызы «Қолөнер –қазақтың қазынасы» үйірме жұмысы бойынша қазақи тақия тігу бойынша шеберлік сағатын көрсетті.
Қызылқой ауылдық кітапханасының кітапханашысы А.Сауғабекова «Менің атым Қожа» повесті бойынша «Балалыққа кітаппен барар жол» атты шедоу- бокс көрсетті.
Ақадыр балалар кітапханасының меңгерушісі Қалижан Нұршат «Балаларға базарлық» атты үйірме жұмысы бойынша шеберлік сағатын көрсетті. Шеберлік сағат «Бауырсақ» ертегісінің желісі бойынша, ертегі кейіпкерлерінің макетін жасаған.
Аудандық балалар кітапханасы
Comments